Lovísa Tómasdóttir búningahönnuður Gagnamagnsins flýgur til Hollands í fyrramálið með íslenska Eurovisionhópnum. Hún var í óðaönn að leggja lokahönd á búningana þegar blaðamaður náði tali af henni í hádeginu. 

„Við förum í nótt svo ég er á fullu að sauma lausar tölur á gömlu búningunum og gufa og græja. Svo pakka ég auðvitað nýju göllunum sem hafa ekki verið frumsýndir ennþá. Þeir munu eflaust sjást fyrst þegar þau fara á svið í undanúrslitunum 20. maí,“ segir Lovísa þegar hún var spurð út í hvernig gengi að pakka niður. 

Hún segir alla í hópnum mjög spennta en hópurinn fer út á völl í nótt í sjálfum Gagnamagnsvagninum. „Ég held að það sé ekki hægt að biðja um betri hóp til að fara í þetta ævintýri með. Þetta verður allt flóknara úti út af Covid en þau er með virkilega gott skipulag á þessu þar svo við getum verið róleg.“

Lovísa Tómasdóttir er konan á bak við búninga Gagnamagnsins. Hér má sjá búningana sem Daði og Gagnamagnið klæddust í söngvakeppninni 2020. mbl.is/Eggert Jóhannesson

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• Blogga um frétt