Á mánudaginn komst sá orðrómur á kreik að Jennifer Lopez og Ben Affleck væru byrjuð aftur saman eftir að sást til þeirra á skíðasvæði í Montanaríki í Bandaríkjunum þar sem Affleck á alpahús. Heimildir herma að þau hafi hegðað sér líkt og par og augljóst að það voru miklir neistar á milli þeirra. 

Frétt af mbl.is

Ástarsamband J.Lo og Afflecks hófst í febrúar

Hinn fimmtánda apríl gaf Lopez út fréttatilkynningu þess efnis að hún og hafnaboltagoðsögnin Alex Rodriguez væru hætt saman. Sama dag birtir Rodriguez undarlegt myndband á Instagram, þar virðist hann lifa í voninni, en því miður hafði sambandið geispað golunni, Lopez var að deyja úr leiðindum með honum.

Rodriguez er í sjokki yfir framvindu mála. „Hann hélt í alvöru að hún myndi koma aftur til sín,“ er haft eftir vini þeirra beggja. „Hann hefur reynt að hafa samband við hana því hann þráir að hitta hana, en hún hefur verið mjög snubbótt við hann,“ sem er eðlilegt, hún sér aðeins eitt, það er Bennifer 2.0.

Matt Damon er til í þetta

Matt Damon og Ben Affleck fagna óskarverðlaunum fyrir myndina Good Will Hunting REUTERS

Besti vinur Bens Afflecks, óskarsverðlaunahafinn Matt Damon, vill ekki gefa neitt upp varðandi Bennifer. Damon var gestur í þættinum Today í Bandaríkjunum í gær. Þáttarstjórnendur nýttu tækifærið og reyndu að fá eitthvert slúður varðandi mál málanna: „Það er ekki til nógu mikið vín í þessum heimi fyrir ykkur til að fá eitthvað upp úr mér varðandi þetta mál,“ svaraði Damon.

Miðað við þetta svar er eitthvað meira á milli þeirra en aðeins vinátta. „Ég elska þau bæði, ég vona að þetta sé satt, það væri geggjað,“ bætti Damon við. 

Vonandi upplifa þau slatta af hamingju saman REUTERS

Tengdar fréttir

Ást í Hollywood

Hávær orðrómur um hjónaskilnað

• Skellti sér á skeljarnar á fallegri strönd á Bora Bora
• Sögð hafa vitað um meint framhjáhald Jackman og Foster
• Stjörnuhjón hvort í sína áttina
• Jason Kelce og Taylor Swift láta eins og ekkert sé eftir ljótt atvik

» Fleiri tengdar fréttir

Bennifer

Er Hollywood-parið að taka saman á ný?

• Mætti í hinum fullkomna hefndarkjól
• Guðs lifandi fegin að vera laus við Affleck
• Kominn með nýja viku eftir skilnaðinn
• Gömul ástarbréf og enginn kaupmáli

» Fleiri tengdar fréttir

• Blogga um frétt