„Ég elska Godzillu mjög mikið“
Helgi Snær Sigurðsson
Setja bókamerki
Risagórillan King Kong og risaeðlan Godzilla eru til umfjöllunar í nýjasta þætti kvikmyndahlaðvarpsins Bíós. Brynja Hjálmsdóttir, sérlegur áhugamaður um skrímslin, ræðir við umsjónarmann um bíómyndina Godzilla vs. Kong.
„Ég elska Godzillu mjög mikið,“ segir Brynja um eðluna sem á sér mikinn fjölda aðdáenda og bendir hún á að austrið og vestrið mætist í myndinni, Godzilla upphaflega japanskt fyrirbæri og King Kong bandarískt þó svo górillan hafi fundist á Skull Island, þ.e. Hauskúpueyju.
Brynja er býsna hrifin af nýju myndinni sem hefur gert það gott í bíóum víða um lönd, enda sumarmynd með stóru s-i. Brynja segist lengur hafa haft áhuga á Godzillu en King Kong enda ólík kvikindi og heimurinn í kringum Godzillu öllu íburðarmeiri. Fjöldi kvikmynda er til um bæði skrímsli og hafa þau mæst áður í kvikmyndasögunni með tilheyrandi eyðileggingu.
Kvikmyndarýnir Morgunblaðsins, Gunnar Ragnarsson, var nokkuð sáttur við Godzilla vs. Kong á dögunum og gaf þrjár stjörnur af fimm mögulegum.
Nýjasta þátt hlaðvarpsins Bíó má finna hér fyrir neðan.
Gera ráð fyrir 1,7 milljarða króna rekstrarafgangi
Altjón eftir að kviknaði í út frá rafmagni
/frimg/1/52/68/1526898.jpg)
„Fólk elskar þennan mann“
„Allir tilbúnir að hjálpa“
Tíu börn á spítala, þar af tvö á gjörgæslu
Svona verður endaspretturinn
Ekki gerlegt að sakfella eftir lýsingu í ákæru
/frimg/1/52/67/1526758.jpg)
„Það er engin ákveðin hreyfing í deilunni“