Eurovision-hóparnir frá Möltu og Rúmeníu munu ekki taka þátt í kynningarkvöldi keppninnar í kvöld. Er þessi ákvörðun tekin í varúðarskyni. Þetta kemur fram í tilkynningu frá Sambandi evrópskra sjónvarpsstöðva (EBU) rétt í þessu.

Fyrr í dag var tilkynnt að smit hefði komið upp í íslenska hópnum, en mbl.is hefur fengið staðfest hjá Rúnari Frey Gíslasyni, einum skipuleggjenda hópsins, að sá sem smitaðist sé ekki meðal þeirra sem eiga að stíga á svið. Í gær var greint frá því að smit hefði komið upp hjá pólska hópnum. Þar sem allir úr báðum þessum hópum fara í sóttkví eða einangrun munu þeir ekki taka þátt í kynningarkvöldinu.

Fyrra undankvöld Eurovision í ár fer fram á þriðjudaginn og hið síðara á fimmtudaginn. Rúmenía og Malta keppa á þriðjudaginn en Ísland og Pólland eiga að stíga á svið á fimmtudaginn.

Tengdar fréttir

Eurovision

Nýtt fyrirkomulag við val á vinningslagi

• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun
• Þekktur sigurvegari Eurovision látinn

» Fleiri tengdar fréttir

• Blogga um frétt