Aðrir í hópnum ekki með veiruna
Daði og félagar geta fagnað þessum fregnum.
mbl.is/Eggert Jóhannesson
Setja bókamerki
/frimg/1/53/24/1532482.jpg)
Þau þrettán úr íslenska Eurovision-hópnum, sem gengust undir próf við kórónuveirusmiti í gær, reyndust ekki smituð samkvæmt niðurstöðum sem bárust rétt í þessu.
Frá þessu greinir ríkisútvarpið í tilkynningu.
Allur íslenski hópurinn mun gangast undir önnur próf, á miðvikudags- og fimmtudagsmorgun.
Áfram í sóttkví
Ef sama niðurstaða fæst, og enginn í hópnum sýnir einkenni, munu Daði og Gagnamagnið stíga á svið á hinu svokallaða dómararennsli á miðvikudagskvöld og einnig í undanúrslitunum á fimmtudagskvöldið.
Í tilkynningunni eru meðlimir íslenska hópsins sagðir að vonum mjög glaðir með þessa þróun mála. Þeir muni halda áfram í sóttkví þangað til farið verður í prófið á miðvikudagsmorgun.
Þungt ástand í margar vikur vegna RS-veiru
Nokkur útköll hjá Landsbjörg
„Átti von á fleiri útköllum“
„Umferðin greinilega að þyngjast“
Leiðindaveður yfir jólahátíðina
Innanlandsflug liggur niðri
Fjallvegir á Vestfjörðum og víða um land á óvissustigi