„Okkur fannst við þurfa á peppinu að halda“
Setja bókamerki
Í tilefni úrslitakvölds Eurovision birti sönghópurinn Lyrika stórskemmtilega söngsyrpu þar sem þremur lögum Daða og Gagnamagnsins er skeytt saman í glæsilegum a cappella-stíl. Hópinn skipa þrjár vinkonur sem allar kynntust í kórastarfi.
„Þetta var búið að vera lengi í bígerð,“ segir Guðrún Matthildur Sigurbergsdóttir í samtali við mbl.is, en auk hennar skipa Ester Auðunsdóttir og Sigrún Ósk Jóhannsdóttir sönghópinn.
„Nú eru komin þrjú lög sem samin voru fyrir Eurovision [með Daða og Gagnamagninu] og okkur fannst við þurfa á peppinu að halda. Svo við ákváðum að slá til.“
Guðrún spáir Íslandi góðu gengi í kvöld; hún telur það öruggt að Daði og Gagnamagnið muni lenda í einhverju af fimm efstu sætunum.
Eurovision-syrpu Lyriku, sem Sigrún Ósk útsetti, má sjá og heyra hér að neðan:
Kæra vararíkissaksóknara
Túlkar að verið sé að gera gys að þjóðinni
Stórfyrirtæki stefna á starfsemi í Breiðholti
Hnignun skóla staðreynd
Ættum frekar að endurbæta samræmdu prófin
Hagkerfið kólnar hratt og vilja sjá vaxtalækkun
Leitaði að upplýsingum um Kennedy-morðið