Daði og Gagnamagnið „stigu“ á svið í Eurovision-keppninni í Amsterdam í kvöld. Hljómsveitin var þó ekki á staðnum heldur var myndbandsupptaka af flutningnum spiluð fyrir áhorfendur. Þrátt fyrir það fögnuðu áhorfendur íslenska hópnum ákaft.

Þrátt fyrir að Daði og félagar hefðu ekki verið á sviðinu í persónu leyndu fagnaðarlætin sér ekki. 

„Var þetta ekki bara betra en á fimmtudaginn? Ég held það bara, svei mér þá,“ sagði Gísli Marteinn Baldursson, sem lýsir keppninni á RÚV, í gríni. Ísland keppti í undankeppni Eurovision á fimmtudag en þá var sama myndbandsupptaka spiluð og í kvöld.

Þá sagði Gísli að stemmningin í salnum hefði verið góð meðan á flutningi íslenska hópsins stóð og sungið hefði verið með. 

Fréttin hefur verið uppfærð

Tengdar fréttir

Eurovision

Nýtt fyrirkomulag við val á vinningslagi

• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun
• Þekktur sigurvegari Eurovision látinn

» Fleiri tengdar fréttir

• Blogga um frétt