Útgáfurisinn Universal hefur ákveðið að framleiða kvikmynd byggða á ævi söng- og leikkonunnar Cher en kvikmyndir byggðar á ævi söngvara hafa verið vinsælar síðustu ár líkt og kvikmyndirnar Bohemian Rapsody sem er byggð á ævi Freddie Mercury og Rocketman sem er byggð á ævi Sir Elton John.

Nú er röðin komin að dívunni og Íslandsvininum Cher sem varð 75 ára á dögunum en hún er sammála landsmönnum um gæði íslenska vatnsins þar sem hún stóð að útflutningi íslenska vatnsins fyrir fimm árum til Flint í Bandaríkjunum vegna blýeitrunar á drykkjarvatni bæjarbúa.

Frétt af mbl.is

Cher og Jón aðstoða íbúa Flint

Fyrir nokkrum dögum birti söngkonan tíst á Twitter og samkvæmt því er hún í skýjunum með samningana. Goetzman Producing mun einnig kom að framleiðslu myndarinnar en þau framleiddu meðal annars söngleikjamyndina Mamma Mia! sem er byggð á lögum sænsku popphljómsveitarinnar Abba.

Óskarsverðlaunahandritshöfundurinn Eric Roth mun skrifa handritið en hann er frægastur fyrir að hafa skrifað handritið að kvikmyndunum Forrest Gump og Star is Born.

Cher á sér stóran aðdáendahóp á Íslandi og það má reikna með að þau verði cher-staklega spennt að fylgjast með því hver mun sjá um að þýða og texta myndina.

Frétt af k100.is

Chertrúarsöfnuðurinn slær í gegn

Tengdar fréttir

Stjörnufréttir

Verðlaun í skugga eyðilegg­ing­ar og sorg­ar

• „Uppáhaldsparið“ hætt saman – aðdáendur í áfalli
• Bundin þagnarskyldu fyrir jarðarförina
• Harry og Meghan kölluð athyglissjúk
• Miðill sagður hafa spáð fyrir um harmleikinn

» Fleiri tengdar fréttir

• Blogga um frétt