Greta Salóme semur lag um krumma

Í dag kom út nýtt lag með söngkonunni Gretu Salóme. Lagið heitir Svartur hrafn og er eitursvalt í anda FKA Twigs og Carolinu Polachek. Það er nokkuð síðan hún gaf út lag en lagið er einnig hluti af stærri heild en um þessar myndir er Greta að vinna að útgáfu á stuttskífu (EP). Svartur hrafn er öðruvísi popplag frá Gretu Salóme og unnið í samstarfi við sænska hljóðmanninum John-Emil Johansson.

„Svartur hrafn er með pínu óræðan texta og getur verið um manneskju eða hlut sem maður sækir í en mun aldrei fá nema í stuttan tíma,“ segir Greta Salóme. Undanfarin ár hefur Greta unnið erlendis en vegna heimsfaraldursins hefur hún verið búsett á Íslandi að vinna í nýrri tónlist.

• Blogga um frétt