James Tyler með alvarlegt krabbamein

Friends-leikarinn James Michael Tyler, sem fór með hlutverk Gunther í þáttunum, er með fjórða stigs krabbamein í blöðruhálsi. 

Í viðtali við NBC greindi Tyler, sem er 59 ára, frá greiningunni í september 2019. Krabbameinið hefur síðan dreift sér og Tyler, sem undirgengst nú lyfjameðferð, getur ekki gengið lengur. 

„Á endanum mun það líklegast ná mér,“ sagði Tyler í viðtalinu. 

Tyler segir að krabbameinið hafi greinst í hefðbundinni læknisskoðun. Vegna kórónuveirunnar komst hann ekki í frekari prófanir nógu tímanlega og meinið dreifði sér í bein hans. Í viðtalinu hvetur hann aðra karlmenn til að láta skima fyrir krabbameini í blöðruhálskirtli: „Það eru aðrir möguleikar í stöðunni fyrir menn ef þeir ná þessu fyrr en ég.“

• Blogga um frétt