Flassaði óvart drukkin í beinni útsendingu

Raunveruleikastjarnan Madison LeCroy er miður sín eftir að hún beraði óvart brjóst sín í beinni útsendingu á Instagram á sunnudagskvöld. LeCroy sat að sumbli með vinkonu sinni á sunnudagskvöld og fór að minnsta kosti 16 sinnum í beina útsendingu á instagramsíðu sinni þar sem hún er með hálfa milljón fylgjenda. 

„Já, mér líður skelfilega. Ég skammast mín. Full. Enn þá. Gærkvöldið var ekki mitt besta kvöld,“ sagði LeCroy á Instagram daginn eftir. 

„Ég var að taka eftir því að brjóstin á mér eru úti um allt netið, en hey, er þetta í fyrsta skipti sem þið sjáið brjóstin á einhverjum? Gefið mér smá séns. Ég datt í það, ég gleymdi mér. Gleymið þessu bara,“ sagði LeCroy.

• Blogga um frétt