Cruise með nýju kærustunni á Wembley
Setja bókamerki
Stórleikarinn Tom Cruise var viðstaddur íþróttaviðburði í Lundúnum um helgina ásamt leikkonunni Hayley Atwell. Talið er að leikararnir séu meira en aðeins vinir ef marka má frétt Pagesix. Um þessar mundir fara fram tökur á sjöundu Mission: Impossible-kvikmyndinni en leikararnir fara þar með aðalhlutverkin. Myndin er væntanleg í bíóhús næsta sumar.
Á laugardag mættu þau á úrslitaviðureignina í einliðaleik kvenna á Wimbledon-mótinu í tennis þar sem hin ástralska Ashleigh Barty sigraði Karólínu Pliskóvu frá Tékklandi. Cruise mætti hins vegar einn á úrslitaviðureign Serbans Novaks Djokovic og Ítalans Matteos Berrettinis þar sem Djokovic sigraði á sínu 20. risamóti og jafnaði þar með met Rafaels Nadals og Rogers Federers.
Í gærkvöldi var parið viðstatt tap Englendinga í úrslitaleik Evrópumótsins í knattspyrnu á þjóðarleikvangi Englendinga í Lundúnum, Wembley-velli. Þau voru á boðslista evrópska knattspyrnusambandsins en meðal annarra á þeim lista voru forsætisráðherra Bretlands Boris Johnson, forseti Ítalíu Sergio Mattarella, íþróttamálaráðherra Ítalíu Valentina Vezzali, hertoginn og hertogynjan af Cambridge ásamt syni sínum Georg prinsi, ofurfyrirsætan Kate Moss og leikstjórinn Guy Ritchie.
Mikið magn af rauðvínspóstum eftir helgar
Í sjokki þegar þau sáu konuna í sjónum
Joe Biden með Covid-19
/frimg/1/50/49/1504902.jpg)
Réðust á Íslendinga úr launsátri og skildu eftir poll af blóði
Ráðist á bandaríska herstöð í Írak
Best að skella á og hringja strax í bankann
Langþráð hótel gæti risið á næsta ári
86 milljóna króna hagnaður Icelandair