Krúnan og The Mandalorian með flestar tilnefningar
Setja bókamerki
Netflix-þættirnir The Crown, eða Krúnan á íslensku, og Disney+ þættirnir The Mandalorian hlutu flestar tilnefningar til 73. Emmy-verðlaunanna. Hvor þáttaröðin um sig hlaut 24 tilnefningar. Tilnefningarnar voru opinberaðar í dag, þriðjudag.
WandaVision frá Disney+ hlaut 23 tilnefningar. Tilnefnt er í 26 mismunandi flokkum. Verðlaunahátíðin fer fram í Los Angeles hinn 19. september næstkomandi.
Bæði Olivia Colman sem túlkar Elísabetu II Bretadrottningu í The Crown og Emma Corrin sem fer með hlutverk Díönu prinsessu í þáttunum hlutu tilnefningu í flokki aðalleikkonu í dramaseríu. Auk þeirra eru Uzo Abuda, Elisabeth Moss, Mj Rodriguez og Jurnee Smollett tilnefndar í flokknum. Leikkonan Gillian Anderson, sem fer með hlutverk Margaret Thatcher í The Crown, er tilnefnd í flokki leikkonu í aukahlutverki í dramaseríu.
Josh O'Connor sem fer með hlutverk Karls Bretaprins í The Crown er tilnefndur í flokki aðalleikara auk Sterlings K. Browns, Jonathans Majors, Regé-Jeans Page, Billys Porters og Matthews Rhys.
Lista yfir allar tilnefningar til verðlaunanna má sjá hér.
Heitar sturtur skaðlegar: Mælt með moðvolgu vatni
Segir lögreglu hafa hætt við þegar lögmaður mætti
Vonskuveður yfir jólahátíðina
Æskuvinir sem fóru í víninnflutning frá Georgíu
Sex fluttir með þyrlunni og þar af eitt barn
Mistókst að ræna hraðbanka
Ók í gegnum rúðu og reyndi að nema banka á brott
Éljagangur en síðan slydda eða rigning