Jógakennarinn Guru Jagat látin 41 árs

Stjörnujógakennarinn Guru Jagat er látin 41 árs að aldri. Guru Jagat rak gríðarlega vin­sæl­ar og um­talaðar kundalini-jóga­stöðvar á sjö mismunandi stöðum í heiminum, meðal annars í Kaliforníu í Bandaríkjunum og á Mallorca.

Dánarorsök er blóðtappi í lungum í kjölfar skurðaðgerðar á ökkla.

Jagat kvaddi fylgjendur sína áður en hún fór í aðgerðina með hugljúfri kveðju sem hún birti á Instagram en þar birtir hún mynd af sér og manninum sínum og vitnar í sagnakvæði enska skáldsins Byrons lávarðar um Don Júan. Í kjölfarið þakkar hún fyrir bænir og kveðjur sem fylgjendur hennar hafa sent henni.

„Líkami minn er veikburða en andinn er STERKUR!!! Allt er á leið í rétta átt,“ skrifaði Jagat að lokum.

Newsweek

• Blogga um frétt