Það eru margir á því að Ashton Kutcher eigi hvergi eins vel heima og í kvikmyndum. Tæknigeirinn virðist þó eiga eiga hug hans allan í dag.
Í nýlegu myndbandi á samfélagsmiðlum yfirheyrir hann eiginkonu sína Milu Kunis um allt milli himins og jarðar sem viðkemur rafmynt. Dulritun og tæknimál virðast ekki vefjast fyrir leikkonunni þótt margir séu eflaust hissa á að sjá þetta skemmtilega stjörnupar í þessum hugleiðingum.
Það eru átta ár frá því þau hófu fjárfestingar sínar með rafmynt. Ef marka má myndbandið er eins og Kutcher sé sá sem dregur vagninn í fjárfestingum fjölskyldunnar á þessu sviði. Kunis hefur greint frá því í fjölmiðlum að hann beri undir hana allar fjárfestingar og hún hafi bara gaman af þessu uppátæki hans í tæknigeiranum.