Faldi áfengisneysluna og skammaðist sín

Breski leikarinn Kit Harington segist hafa falið fyrir sínum nánustu hversu mikið áfengi hann drakk. Það kom því mörgum í opna skjöldu þegar hann fór í meðferð í maí 2019, stuttu eftir að tökum á Game of Thrones lauk. 

Harington opnaði sig um alkóhólismann í viðtali í síðustu viku og sagðist vera ánægður með að hafa farið í meðferð. Um helgina sagði hann í viðtali við Sunday Times að hann hefði skammast sín mikið fyrir að vera háður áfengi og hann hefði upplifað margt sem hann væri enn að vinna úr. 

Frétt af mbl.is

Rétt ákvörðun að fara í meðferð

„Maður kemst á þann stað að manni líður eins og vondri manneskju, maður skammast sín og finnst engin leið vera út. Það er bara manneskjan sem þú ert. Og þegar maður er að verða edrú þarf maður að trúa að maður geti breyst,“ sagði Harington.

„Það var nokkuð sem ég hélt fast í þegar ég var í meðferð. Hugmyndin um að ég gæti gert þessa grundvallarbreytingu á því hver ég er og hvernig ég fer í gegnum lífið,“ sagði Harington.

„Ég get sagt það um mína fíkn, að ég faldi hana mjög, mjög vel og ég hélt þessu leyndarmáli vel földu. Þannig að það kom mörgum í lífi mínu á óvart, sem gerist örugglega í mörgum tilvikum held ég,“ sagði Harington.

• Blogga um frétt