Crossfitstjarnan Annie Mist Þórisdóttir hlaut alls 13,2 milljónir íslenskra króna fyrir þátttöku sína í crossfitheimsleikunum. Annie lenti í þriðja sæti, sem skilaði henni rúmum tíu milljónum í verðlaun. Crossfitfréttasíðan Morning Chalk Up tók saman greiðslur til crossfitstjarnanna.

Einnig fékk Annie bónusgreiðslu fyrir leikana, greiðslu fyrir að taka þátt í undanúrslitum. Þá fékk hún bónusgreiðslu frá Reebok. 

Björgvin Karl Guðmundsson hlaut rúmlega átta milljónir króna fyrir þátttöku sína en hann lenti í fjórða sæti. 

Katrín Tanja Davíðsdóttir, sem lenti í 10. sæti, fékk 3,5 milljónir og Þuríður Erla Helgadóttir hlaut tvær milljónir fyrir 16. sætið. 

Alls eru greiðslur til íþróttafólksins lægri en almennt hefur verið en sú lækkun er rakin til heimsfaraldursins. 

Tia-Clair Toomey sigraði í kvennaflokki og hlaut 45,6 milljónir íslenskra króna. Justin Meideros, sem sigraði í karlaflokki, hlaut alls 40,7 milljónir. Toomey hlaut hærra verðlaunafé vegna þess að hún vann fleiri einstakar keppnisgreinir en Meideiros á leikunum og sigraði á opna mótinu fyrir leikana. 

Tengdar fréttir

Crossfit

Bergrós fimmta besta í heimi

• Staðfesta nafn látins Crossfit-keppanda
• Íslenskar crossfit-stjörnur minnast hins látna
• Fannst látinn á heimsleikunum
• Telja keppanda hafa drukknað á heimsleikunum

» Fleiri tengdar fréttir

• Blogga um frétt