Faðir Britney stígur til hliðar
Veronika Steinunn Magnúsdóttir
Setja bókamerki
Jamie Spears, faðir Britney Spears, hefur ákveðið að stíga til hliðar sem lögráðamaður hennar.
Markar þetta þáttaskil í sjálfræðisbaráttu Britney en faðir hennar hefur hingað til verið fastur á því að halda lögráðamannshlutverkinu.
Britney var svipt lögræði árið 2008 en nú sækist hún eftir því að losna undan prísundinni.
Baráttunni er þó ekki ennþá lokið; Í dómsskjölum sem New York Times hefur undir höndum kemur fram að lögmenn Jamie Spears segi hann tilbúinn til að stíga til hliðar sem lögráðamaður – hann sé tilbúinn að vinna með dómstólum að því að hefja leit að nýjum lögráðamanni fyrir dóttur sína.
Hrósa Jamie fyrir að hafa endurreist feril Britney
Hvergi er á það minnst í dómsskjölum hvenær Jamie Spears hyggst stíga til hliðar en þar héldu lögmenn hans því staðfastlega fram að hann hafi „bjargað Britney frá hörmungum, stutt hana þegar hún þurfti mest á því að halda, verndað hana og orðsporið hennar auk þess að hafa aðstoðað hana við að koma tónlistarferlinum aftur á réttan kjöl“.
Jamie Spears hefur einmitt sætt gagnrýni fyrir að hafa látið Britney syngja á tónleikum, á sama tíma og hún hafi ekki verið metin andlega hæf til þess að ráða sínum eigin málum.
Víðtæk áhrif skattahækkana
Varnarmálaráðherra Ísraels rekinn
Segist hafa skráð nafn sitt á spjöld sögunnar
Fleiri fjölmiðlar lýsa yfir sigri Trumps
Hvenær vitum við úrslitin?
Gular og appelsínugular viðvaranir á morgun
Vill taka 90 milljarða af lífeyrissjóðunum strax
