Myndir og myndband af konu að nafni Ashley hafa farið um netið sem eldur í sinu undanfarna daga. Ástæðan er að Ashley þykir einstaklega lík rapparanum Cardi B og hafa netverjar tekið upp á því að kalla hana Cardi C. 

Hárgreiðslumeistari Ashley deildi fyrst myndbandinu af henni á TikTok þar sem hún hafði greitt hár hennar í sama stíl og Cardi B er oft með. Myndbandið sprengdi upp TikTok og hafa tugir þúsunda horft á myndbandið. 

Þá hefur því einnig verið deilt á Twitter þar sem netverjar keppast við að koma með skemmtilegar samlíkingar. 

Í viðtali við Allure segir Ashley að þetta sé ekki í fyrsta skipti sem henni er líkt við rapparann. „Hvert sem ég fer heyri ég fólk segja: „Hún lítur út eins og Cardi B.“ Fólk hvíslar þetta og ég heyri það,“ sagði Ashley. Hún sjálf segist þó ekki sjá líkindin. 

„Ég er alltaf að reyna að sjá það, í hvert skipti sem fólk nefnir það, en ég sé það ekki.“

Tengdar fréttir

Tvífarar

Á stjörnutvífara í Los Angeles

• Segist ekki vera tvífari Kardashian
• Tvífari Jennifer Aniston slær í gegn
• Eyðir milljónum á ári í lýtaaðgerðir til að líkjast Ken
• Maðurinn með „fullkomna andlitið“ varð fyrir líkamsárás

» Fleiri tengdar fréttir

• Blogga um frétt