Gaf Manson fingurinn

Leikkonan Evan Rachel Wood gaf söngvaranum Marilyn Manson fingurinn eftir að hann kom fram í hlustunarpartíi Kanyes West í síðustu viku. Wood hefur sakað Manson um að hafa beitt hana kynferðislegu ofbeldi á meðan þau voru saman. 

Frétt af mbl.is

Nafngreinir Manson sem ofbeldismanninn

Wood kom fram í Bourbon Room í Hollywood sama kvöld. Hún vitnaði í texta eftir Manson og gaf svo fingurinn uppi á sviði. 

Þá hafði hún frétt af sviðsframkomu Manson í Chicago. Seinna birti hún myndband af sjálfri sér á sviðinu. „Til allra þolenda sem voru slegnir í andlitið í þessari viku. Ég elska ykkur. Ekki gefast upp,“ skrifaði Wood við færsluna. 

Wood er ein af þeim fimmtán konum sem hafa stigið fram og sakað Manson um að hafa beitt þær kynferðisofbeldi. Hann hefur neitað öllum ásökununum. 

Auk þess að koma fram með West í síðustu viku syngur Manson eitt lag með honum á nýrri plötu hans Donda.

• Blogga um frétt