Snúinn aftur til vinnu eftir krabbameinsmeðferð

Leikarinn Jeff Bridges er snúinn aftur til vinnu eftir krabbameinsmeðferð. Hann segist nú vera í bata frá krabbameininu og að það hafi minnkað niður í litla kúlu. Bridges greindi frá þessu í gleðilegri færslu á vefsíðu sinni í gær. 

Leikarinn er hvað þekktastur fyrir að fara með hlutverki í The Big Lebowski en hann er nú í tökum fyrir þættina The Old Man.

Frétt af mbl.is

Krabbamein Bridges minnkað

Bridges greindist með eitilfrumukrabbamein síðasta haust og hefur verið í meðferðum undanfarna mánuði. Í færslu sinni tók Bridges fram að krabbameinsmeðferðin hafi verið ekkert mál samanborið við baráttu sína við kórónuveiruna. 

Bridges greindist smitaðist af kórónuveirunni í janúar á þessu ári, áður en hann hafði tækifæri til að láta bólusetja sig. 

„Covid pakkaði mér alveg saman, en ég er búinn að fá tvo skammta af bóluefni og líður miklu betur núna. Ég heyrði að bóluefnið geti hjálpað fólki með langtíma einkenni. Kannski að mér hafi batnað svona hratt vegna þess,“ skrifaði Bridges.

• Blogga um frétt