Rampa upp Ísland með 1000 nýjum römpum

Átakið Römpum upp Reykjavík gengur mun betur en gert var ráð fyrir. Har­ald­ur Þor­leifs­son, stofn­andi hönn­un­ar­fyr­ir­tæk­is­ins Ueno, greindi frá því á Twitter í dag að ramparnir væru að nálgast 100 en hann lætur ekki þar við sitja. 

Áætlað var að setja upp 100 rampa fyrir marsmánuð á næsta ári. Haraldur sem er hvatamaður verk­efn­is­ins og helsti styrkt­araðili greinir frá því verkefnið sé ekki bara á undan áætlun heldur einnig undir kostnaðaráætlun. 

„Ég held að það sé góður tími til þess að tilkynna að við ætlum að rampa upp Ísland með 1000 nýjum römpum næstu fjögur árin,“ skrifaði Haraldur eftir að hann greindi frá velgengi átaksins í Reykjavík. „Við stoppum ekki fyrr en allt þetta land verður aðgengilegt.“

Frétt af mbl.is

Fyrsti rampurinn af 100 vígður við hátíðlega athöfn

• Blogga um frétt