The Crown hlaut 11 Emmy-verðlaun
Setja bókamerki
Sjónvarpsþáttaraðirnar The Crown úr smiðju Netflix og The Queen´s Gambit hlutu ellefu verðlaun hvor á Emmy-verðlaunahátíðinni í gærkvöldi.
Skemmtiþátturinn Saturday Night Live hlaut átta verðlaun og gamanþáttaröðin Ted Lasso frá Apple TV sjö.
The Crown, sem fjallar um bresku konungsfjölskylduna, vann fyrir bestu dramaþáttaröðina, auk þess sem þau Gillian Anderson, Olivia Colman, Josh O'Connor og Tobias Menzies voru verðlaunuð fyrir leik sinn í þáttunum, að sögn BBC.
„En yndislegur endir á þessu stórkostlega ferðalagi með þessari indælu fjölskyldu,” sagði Colman, sem lék Elísabetu Englandsdrottningu í The Crown.
„Ég elskaði hverja einustu sekúndu og get ekki beðið eftir því að sjá hvað gerist næst.”
„Ég vildi óska að pabbi minn væri hérna til að sjá þetta. Ég missti pabba í Covid-faraldrinum og hann hefði elskað allt þetta.”
Þetta var í fyrsta sinn sem þáttaröð frá Netflix vinnur í flokki dramaþáttaraða á Emmy-hátíðinni.
Jason Sudeikis var valinn besti leikari í aðalhlutverki í gamanflokki fyrir frammistöðu sína í Ted Lasso. Breskir meðleikarar hans í þáttunum, Hannah Waddingham og Brett Goldstein voru einnnig verðlaunaðir.
Flest verðlaun:
- 11 - The Crown
- 11 - The Queen's Gambit
- 8 - Saturday Night Live
- 7- Ted Lasso
- 7- The Mandalorian
- 6- Love, Death & Robots
- 5- Ru Paul's Drag Race
- 4- Mare Of Easttown
Fresta framkvæmdum við Landspítala
Hjúkrunarfræðingar skrifa undir kjarasamning
Neyðarástand kalli á tafarlaus viðbrögð
Óvissustig á mörgum vegum
„Mjög bagalegt“ að klára ekki málið
Við urðum að byrja upp á nýtt
Nota ekki jólaljós til að níðast á fólki