Dýrið frumsýnt á 600 tjöldum

Kvikmyndin Dýrið eða Lamb eins og hún heitir erlendis verður sýnd á 600 tjöldum í Bandaríkjunum. Aldrei áður hefur íslensk kvikmynd fengið jafn mikla almenna dreifingu vestanhafs sem segir allt um það hversu mikla trú A24, dreifingaraðili myndarinnar, hefur á henni.

Sýningar á myndinni hefjast sama dag og á James Bond en A24, dreifingaraðilar Dýrsins í Bandaríkjunum, eru vissir um að myndin fái góða aðsókn og muni höfða til yngri áhorfendahóps í Bandaríkjunum en þeirra sem sækja Bond-myndirnar.

„Við vitum að kvikmyndin Dýrið er einstök perla, aðgengileg, sorgleg og fyndin. Viðbrögðin á forsýningum hafa staðfest það og yfir tíu milljónir hafa horft á kynningarstikluna. Myndin hefur alla burði til að slá í gegn hér í Bandaríkjunum og við erum ofboðslega spennt fyrir því að frumsýna hana svona víða,“ segir David Laub hjá A24.

• Blogga um frétt