Skilur að fólk hafi áhuga á þyngdartapinu

Leikkonan Rebel Wilson skilur vel að fólk hafi mikinn áhuga á því hvað hún hefur lést mikið. Wilson léttist mikið á síðasta ári, en hún ákvað að taka heilt ár í að einbeita sér að heilsunni. 

Þyngdartapið hefur vakið mikla athygli líkt og Wilson lýsir í viðtali við Daily Telegraph á dögunum. Hún hefur þó sagt að markmiðið með heilsuárinu hafi ekki verið að líta ákveðið út eða losna við ákveðið mörg kíló heldur að bæta heilsuna. 

Hún vildi einnig takast á við matarfíkn. 

„Fólk er svo heltekið af því, en ég skil það. Oprah er ein af hetjunum í lífi mínu. Hún hefur glímt við matarfíkn og ég horfði alltaf á þættina hennar þegar hún talaði um það,“ sagði Wilson. 

Ein af ástæðunum fyrir því að Wilson ákvað að bæta heilsu sína var til að hún gæti eignast barn einn daginn. 

Frétt af mbl.is

Léttist til að auka frjósemina

• Blogga um frétt