Elísabet II Bretlandsdrottning mun hér eftir ekki sinna störfum á vegum krúnunnar einsömul. Drottningin dvaldi eina nótt á sjúkrahúsi í síðustu viku samkvæmt ráðleggingum lækna sinna. 

Það er The Telegraph sem greinir frá þessu og hefur eftir heimildamanni að aðrir meðlimir konungsfjölskyldunnar muni hér eftir fylgja drottningunni á alla viðburði. Þá verða öll störf skipulögð þannig að aðrir meðlimir geti hlaupið í skarðið ef ske kynni að hin 95 ára drottning þyrfti að hvíla sig. 

Breska konungshöllin hefur lítið gefið upp um heilsu drottningarinnar undanfarnar vikur. Hún sneri aftur til starfa á föstudag og hefur unnið smávægilega vinnu heima í Windsor-kastala. Hennar hátign mætti ekki til guðsþjónustu á sunnudag, en hún fer reglulega í kirkju á sunnudögum. 

Frétt af mbl.is

Snúin aftur í höllina eftir nótt á sjúkrahúsi

Frétt af mbl.is

Fór ekki til Norður-Írlands af heilsufarsástæðum

Drottningin sinnir störfum sínum í gegnum fjarfundabúnað núna, þar sem hún dvelur heima í Windsor kastala á meðan gestir hennar koma í Buckingham höll. AFP

Tengdar fréttir

Kóngafólk í fjölmiðlum

Prinsessan vakti athygli í eldrauðum samfestingi

• Sérviska Karls konungs kemur fram í mataræðinu
• Harry og Meghan fara ekki með í sumarfríið
• Katrín mætti í fokdýrum kjól
• Vilhjálmur prins blés kjarki í enska landsliðið

» Fleiri tengdar fréttir

• Blogga um frétt