Hætt saman eftir eins árs samband

Ungstirnin Chase Stokes og Madelyn Cline, sem þekktust eru fyrir hlutverk sín í þáttunum Outer Banks, eru hætt saman eftir rúmlega árs samband. 

Stokes og Cline öðluðust mikla frægð eftir fyrstu seríuna eftir Netflix-þáttunum en í þáttunum leika þau einmitt kærustupar. Samband þeirra vakti því mikla athygli. 

Frétt af mbl.is

Eru líka í sambandi í raunveruleikanum

„Madelyn og Chase eru ekki lengur saman. Þau voru að reyna að vinna í sambandinu en hættu saman fyrir nokkrum mánuðum,“ sagði heimildamaður People um málið. 

Sögusagnir höfðu verið á kreiki þessa nokkra mánuði um að þau væru hætt saman og nú hefur það verið staðfest. 

Á meðan sambandinu stóð fóru þau í mörg viðtöl saman og sögðu meðal annars að það væri æðislegt að fá að vinna með uppáhalds manneskjunni sinni. 

• Blogga um frétt