Óli Palli frestar Heima-Skaga

Skipuleggjendur hátíðarinnar Heima-Skagi hafa ákveðið að fresta hátíðinni fram á næsta ár. Hátíðin átti að fara fram á Akranesi nú um helgina. Alls greindust fimmtíu smit í sýnatöku á Akranesi í gær.

Frétt af mbl.is

50 smit á Akranesi – Skólum lokað

„Í ljósi aðstæðna dettur okkur ekki í hug að halda HEIMA-SKAGA hátíðina um helgina eins og stóð til. Okkur þykir það auðvitað hrikalega leiðinlegt þar sem allt var klárt og ekkert eftir nema bara segja: Nú má partíið byrja! Við viljum þakka húseigendum, tónlistarfólki, miðakaupendum, styrktaraðilum og öðrum sem hafa komið að undirbúning hátíðarinnar kærlega fyrir áhugann og velvilja í garð HEIMA-SKAGA. Við erum alls ekki hætt – sjáumst bara á HEIMA-SKAGA 2022 að ári, en hugsanlega og vonandi náum við að halda HEIMA-SKAGA Barnanna áður en árið er liðið. Það verður þá auglýst síðar,“ skrifar Ólafur í færslu á Facebook en hann skipuleggur hátíðina ásamt Hlédísi Sveinsdóttur.

• Blogga um frétt