Leikkonan Gemma Whelan, sem fór með hlutverk Yöru Greyjoy í þáttunum Game of Thrones, segir að algjör ringulreið hafi myndast þegar sumar af kynlífssenum þáttanna voru teknar upp. 

Hún segir að öll hafi verið mjög dugleg að fá samþykki hvert hjá öðru fyrir hinum ýmsu snertingum og kossum, en þau þurftu oft að leika af fingrum fram eftir að tökurnar fóru af stað. 

„Þau sögðu „þegar við köllum „action“ hefjist þið bara handa“ og það gat oft myndast mikil ringulreið. En á milli leikaranna var alltaf samþykki og fólk athugaði hvað með annað,“ sagði Whelan í viðtali við The Guardian. 

„Það voru tökur í vændishúsi með konu, og hún var mjög berskjölduð, þannig að við töluðum saman um hvernig tökuvélin ætti að snúa og hvað henni liði vel með. Leikstjórinn sagði svo: „Smá bit í brjóst, rassskelltu hana svo og haltu áfram,“ en við töluðum alltaf saman okkar á milli um hvað við værum að fara gera,“ sagði Whelan.

Tengdar fréttir

Game of Thrones

„Ég bókstaflega fyrirleit sjálfan mig“

• Nýr tökustaður fyrir forsögu Game of Thrones
• Game of Thrones laðar að Kínverja
• Ísland aftur í aðalhlutverki
• Svitnar undan sódavatninu

» Fleiri tengdar fréttir

• Blogga um frétt