Högni og Sturla Atlas í B-landsliðsferð í tennis

Þau eru væntanlega fá landsliðin betur skipuð en íslenska B-landsliðið í tennis, sem lagði land undir fót í gær og hélt til æfinga í Napólí á Ítalíu. 

Högni Egilsson, best þekktur fyrir listsköpun sína með hljómsveitinni Hjaltalín, og Sigurbjartur Sturla Atlason, sem fer með hlutverk Rómeós í uppsetningu Þjóðleikhússins á Rómeó og Júlíu, skipa liðið.

Frétt af mbl.is

Ég elska að sigra!

Rafn Kumar Bonifacius, fjórfaldur Íslandsmeistari, er svo þjálfari liðsins og lærimeistari Högna og Sigurbjarts, sem einnig er þekktur sem Sturla Atlas. 

Sigurbjartur greinir frá ferðalögum B-liðsins á facebooksíðu sinni og lofar þar Rafn þjálfara í hástert:

„Hann er þekktur fyrir að ýta nemendum sínum fram á ystu brún þar sem þeir uppgötva nýjar hliðar leiksins, sveiflunnar og hugarfarsins - þar sem þeir þroskast sem leikmenn.“

Liðsmenn verða í Napólí næstu vikuna eða svo og er lagt upp með stífar æfingar, eins og Sigurbjartur segir á Facebook. 

Liðið mun mæta verðugum mótherjum frá Ítalíu í æfingaleik, sem spila þá á heimavelli, sólsleiktir og blóðheitir, en íslenska liðið mætir til leiks frostbitið og einbeitt, eins og Sigurbjartur segir sjálfur.

• Blogga um frétt