Paul Rudd kynþokkafyllsti maður í heimi

Leikarinn Paul Rudd var valinn kynþokkafyllsti maður heims í ár af tímaritinu People. Rudd fylgir í fótspor manna á borð við George Clooney, Brad Pitt en í fyrra var það Michael B. Jor­d­an sem hlaut útnefninguna. 

Rudd segir í viðtali við People að fólk sé hissa á að hann hafi verið valinn sá kynþokkafyllsti. „Það eru svo margir sem ættu að fá þetta á undan mér,“ segir hinn 52 ára gamli leikari. Mörg lýsingarorð hafa verið notuð um hann en hann segist sjaldan hafa heyrt orðið sexí notað um sig. 

Það er þó eitthvað við þessi grænu augu og smitandi bros Rudds sem hefur heillað áhorfendur í mörg ár. Hann hefur leikið í mörgum vinsælum gamanmyndum og nú snýr hann aftur á skjáinn með Will Ferrell í þáttunum The Shrink Next Door á streymisveitu Apple. 

Þrátt fyrir frægðina hefur Rudd verið giftur sömu konunni í 18 ár, Julie Yaeger. Hann segist vera hamingjusamastur heima hjá sér með konunni sinni og börnunum þeirra Jack sem er 17 ára og Darby sem er 12 ára. 

Banda­ríski leik­ar­inn Michael B. Jor­d­an var valinn sá kynþokkafyllsti í heimi í fyrra. Tón­list­armaður­inn John Le­g­end fékk nafn­bót­ina árið þar áður. Leik­ar­inn Idr­is Elba hlaut heiður­inn árið 2018 og tón­list­armaður­inn Bla­ke Shelt­on árið 2017.

Paul Rudd er vinsæll gamanleikari. Frazer Harrison

• Blogga um frétt