Arnaldur trónir á toppnum eftir nóvember

Bókin Sigurverkið eftir Arnald Indriðason var söluhæsta bók 1. - 29. nóvember. Þetta kemur fram í nýútgefnum lista sem Félag íslenskra bókaútgefenda sendi frá sér. Allir helstu metsöluhöfundar landsins, sem gefa út bók fyrir þessi jólin, raða sér í efstu sætin yfir mest seldu bækurnar í nóvember. 

Í öðru sæti er Lok, lok og læs eftir Yrsu Sigurðardóttir en bók Ragnars Jónassonar, Úti, er í því fjórða. 

Birgitta bankar á dyrnar annað árið í röð

Söngkonan og nú metsöluhöfundurinn Birgitta Haukdal á þriðju mest seldu bókina í nóvember, Lára bakar, en um er að ræða hennar nýjustu bók í seríunni um Láru og Ljónsa. Fyrir síðustu jól átti hún fimm af sextán mest seldu barna- og unglingabókunum og sagði í viðtali við Morgunblaðið að það hefði komið henni mikið á óvart. 

Frétt af mbl.is

Birgitta er óvæntur metsöluhöfundur í ár

Frétt af mbl.is

Lára og Ljónsi lifna við í leikhúsinu

Í ár gaf hún einnig út bókina Lára lærir á hljóðfæri og er hún sjötta mest selda bókin í nóvember. Bækurnar tvær eru einnig tvær mest seldu barnabækurnar á sama tímabili. Á lista yfir tíu mest seldu barna- og unglingabækurnar á Birgitta fjórar.

Mest seldu bækurnar 1.- 29. nóvember 2021

1. Sigurverkið - Arnaldur Indriðason
2. Lok, lok og læs - Yrsa Sigurðardóttir
3. Lára bakar - Birgitta Haukdal
4. Úti - Rangar Jónasson 
5. Útkall: Í auga fellibylsins
6. Lára lærir á hljóðfæri - Birgitta Haukdal 
7. Sextíu kíló af kjaftshöggum - Hallgrímur Helgason
8. Fjárfestingar - Aníta Rut Hilmdarsdóttir, Kristín Hildur
9. Þín eigin ráðgáta - Ævar Þór Benediktsson
10. Alexander Daníel Hermann Dawidsson: Bannað að eyðileggja - Gunanr Helgason
11. Jól á eyjahótelinu - Jenny Colgan
12. Jómfrúin - Jakob E. Jakobsson
13. Prjón er snilld - Sjöfn Kristjánsdóttir
14. Heima hjá lækninum í eldhúsinu - Ragnar Freyr Ingólfsson
15. Litlir lærdómshestar - Stafir - Elisabeth Golding
16. Læknirinn í englaverksmiðjunni - Ásdís Halla Bragadóttir
17. Rætur: Á æskuslóðum minninga og mótunar - Ólafur Ragnar Grímsson 
18. Jól með Láru - Birgitta Haukdal 
19. Bílamenning: Akstursgleði liðinnar aldar í máli og myndum - Örn Sigurðsson 
20. Horfnar - Stefán Máni

• Blogga um frétt