Brynjar hættir á Facebook

Brynjar Níelsson, nýráðinn aðstoðarmaður Jóns Gunnarssonar innanríkisráðherra, segir í færslu á Facebook að nú þurfi hann að láta staðar numið á Facebook í bili. Segir hann nýja starfið vera ástæðuna fyrir því að hann þurfi að hætta á samfélagsmiðlinum. 

Greint var frá því fyrr í dag að Brynjar hafi verið ráðinn aðstoðarmaður Jóns. Hreinn Loftsson mun einnig vera aðstoðarmaður innanríkisráðherra. 

Frétt af mbl.is

Brynjar Níelsson bætist við sem aðstoðarmaður Jóns

„Jæja, nú þarf ég að kveðja fésbókina tímabundið. Í nýju djobbi er ekki gert ráð fyrir ábyrgðarlausu glensi á samfélagsmiðlum,“ skrifar Brynjar í færslu sinni. 

Brynjar hefur verið virkur á Facebook undanfarin ár og reglulega skrifar hann uppfærslur sem mörgum þykja skemmtilegar. 

• Blogga um frétt