Tilnefningar til Kraumsverðlaunanna kynnt

21 hljómsveit og listamenn voru tilnefnd til Kraumsverðlaunanna í dag á degi íslenskrar tónlistar, meðal annars Birnir, Sóley, BSÍ, Skrattar, Bára Gísladóttir og Skúli Sverrisson.

Kraumsverðlaunin verða afhent í fjórtánda sinn síðar í þessum mánuði þar sem verðlaun verða veitt fyrir þær íslensku hljómplötur sem þykja hafa skarað fram úr á árinu hvað varðar gæði, metnað og frumleika.

Dómnefndin hlustaði á hátt í fjögur hundruð hljómplötur og útgáfur sem komu út hérlendis á árinu við val sitt. Hún mun nú velja sex breiðskífur af þeim sem nú hafa verið tilnefndar er hljóta munu Kraumsverðlaunin 2021.

Tilnefningarnar má sjá hér:

• Eva808 – Sultry Venom
• Sucks to be you, Nigel - Tína blóm
• Sóley – Mother Melancholia
• Bára Gísladóttir/Skúli Sverrisson - Caeli
• Supersport! - Tveir Dagar
• Tumi Árnason - H L Ý N U N
• BSÍ - Stundum þunglynd ...en alltaf andfasísk
• Inspector Spacetime - Inspector Spacetime
• Hush - Blackheart
• Skrattar - Hellraiser IV
• Hist og – Hits of
• Drengurinn fengurinn - Strákurinn fákurinn
• Pínu Litlar Peysur - PLP EP
• Nonnimal - Hverfisgata
• Ægir Sindri Bjarnason – The Earth Grew Uncertain
• Elli Grill - Púströra fönk
• Countess Malaise - Maldita
• Mikael Máni - Nostalgia Machine
• Ekdikesis - Canvas Of A New Dawn
• Birnir - Bushido
• Slummi - ndm

• Blogga um frétt