Dramatíkin nær hápunkti í Hörpu

Piparsveinninn Clayton Echard, aðalstjarna 26. þáttaraðar af bandarísku raunveruleikaþáttunum The Bachelor, afhendir síðustu rósina í þáttunum í Hörpu hér á Íslandi. Fyrsta stiklan fyrir þáttaröðina var gefin út í dag.

Í stiklunni má sjá fjölda skota frá Íslandi, þar á meðal úr Sky Lagoon, Ingólfsskála og úr fjórhjólaferð. Serían virðist mjög dramatísk og virðist mesta dramað hafa átt sér stað hér á Íslandi. Þá nær dramatíkin hápunkti þegar kemur að kvöldstundinni í Hörpu og má sjá vonbiðla piparsveinsins í grátkasti í tröppum hússins.

mbl.is greindi frá því í nóvember síðastliðnum að tökur á Bachelor færu hér fram. 

Frétt af mbl.is

Tökur á Bachelor fara fram á Íslandi

Frétt af mbl.is

Tökur á Bachelor fara fram í Ingólfsskála

Stikluna má sjá hér fyrir neðan.

• Blogga um frétt