Fasteignasalarnir og raunveruleikastjörnurnar Chrishell Stause og Jason Oppenheim eru hætt saman en það eru aðeins fimm mánuðir síðan þau gerðu samband sitt opinbert. Stause vinnur hjá Oppenheim en fasteignasalan hans er þungamiðjan í raunveruleikaþáttunum Selling Sunset á Netflix. 

Þau greindu frá sambandsslitunum á Instagram. Þau bera mikla virðingu hvort fyrir öðru en þau hafa ekki sömu framtíðaráform. Þau gefa í skyn að barneignir hafi verið stór þáttur í sambandsslitunum. 

„Jason var og er besti vinur minn,“ sagði Stause en greindi jafnframt frá því að hugmyndir þeirra um fjölskyldur pössuðu ekki saman. „Tími er lúxus sem karlmenn hafa en konur ekki og þannig er það bara.“ Stause er fertug og barnlaus en virðist greinilega langa til þess að eignast börn. 

„Þrátt fyrir að við Chrishell séum ekki saman lengur erum við bestu vinir og munum alltaf elska og styðja hvort annað. Hún var besta kærasta sem ég hef átt,“ sagði Oppenheim meðal annars. 

Tengdar fréttir

Ást í Hollywood

Friends-leikari nældi sér læknanema

• Jackman í kossaflensi í Kaliforníu
• Fyrrverandi barnastjörnur í hnapphelduna
• Heitasta parið í Hollywood hætt saman
• Hætt að fela ást sína

» Fleiri tengdar fréttir

• Blogga um frétt