Eftir erfiðan skilnað við Bítilinn Paul McCartney ætlaði hin breska Heather Mills aldrei að gifta sig aftur. Mills er búin að brjóta loforð sitt en hún er talin hafa gengið í hjónaband með unnusta sínum Mike Dickman fyrr á þessu ári. 

Parið byrjaði saman vorið 2019 en Dickman er 17 árum yngri en hin 53 ára gamla Mills. Þau kynntust í lest þar sem Mills var með dóttur þeirra McCartneys að spila Uno. „Mér finnst þú heitur, sendu mér tölvupóst,“ sagði Mills við Dicman í lok ferðarinnar og lét hann fá nánari upplýsingar. 

Mills og Dickman trúlofuðu sig rétt fyrir jól í fyrra og hefur hún sést með giftingarhring að undanförnu. Vinir hjónanna segja að þau hafi gengið í hjónaband á Maldíveyjum og var Beatrice McCartney, dóttir Mills og Pauls McCartneys, viðstödd. Brúðkaupið var allt öðruvísi hjónavígsla en þegar Mills og tónlistarmaðurinn McCartney giftu sig, þau gengu í hjónaband í kastala á Írlandi árið 2002. 

Það fór að bera á brestum í hjónabandi Mills og McCartneys eftir fjögurra ára hjónaband. Fréttir af erfiðleikum þeirra og skilnaði voru sagðar í fjölmiðlum um allan heim. Skilnaðurinn gekk loksins í gegn árið 2008 og kostaði McCartney 23 milljónir punda. 

Paul McCartney. AFP

Tengdar fréttir

Ást í Hollywood

Nældi sér í son þekkts leikara

• Fyrrverandi eiginkona Costner trúlofuð gömlum félaga hans
• Friends-leikari nældi sér læknanema
• Jackman í kossaflensi í Kaliforníu
• Fyrrverandi barnastjörnur í hnapphelduna

» Fleiri tengdar fréttir

• Blogga um frétt