Guðmundur Emil Jóhannsson, einkaþjálfari og vaxtarræktarkappi, greindist sýktur af kórónuveirunni. Þessu greinir hann frá í instagramsögu sinni í dag.

Hann segist óbólusettur en ætlar sér þrátt fyrir það að „jarða“ veiruna. 

„Djöfull er ég að fara [að] jarða þessa veiru,“ segir Gummi Emil á Instagram og bætir við lyndistákni af fjólubláum púka. „Auðvelt.“

Guðmundur Emil, eða Gummi Emil eins og hann er jafnan kallaður, er einkaþjálfari og vaxtarræktarkappi sem hefur gert garðinn frægan á Instagram undanfarin tvö ár með ráðum um lyftingar og líferni.

Hann hefur verið styrktur af drykkjarframleiðandanum Nocco og hefur auk þess keppt í keppnum á sviði vaxtarræktar og hlaut meðal annars þriðja sætið í yngri flokki alþjóðlegu vaxtarræktarkeppninnar „Arnold Classic“. 

Hann ætlar sér að „jarða“ veiruna ef marka má yfirlýsingu hans. Skjáskot/Instagram

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt