Búinn að afhenda lögreglu símann
Alec Baldwin í október síðastliðnum.
AFP
Setja bókamerki
Leikarinn Alec Baldwin hefur afhent lögreglunni farsíma sinn vegna rannsóknar hennar á voðaskoti á tökustað í Nýju-Mexíkó sem varð einum að bana.
Tæpur mánuður er liðinn síðan heimild var veitt til að leggja hald á símann.
Kvikmyndatökukonan Halyna Hutchins var skotin til bana þegar Baldwin var að æfa sig með Colt-byssu á tökustað myndarinnar Rust í október síðastliðnum.
Frá tökustað myndarinnar Rust.
AFP
Lögregluembættið í höfuðborg Nýju-Mexíkó, Santa Fe, staðfesti að leikarinn hafi afhent yfirvöldum símann skammt frá heimili sínu í New York.
Fyrr í vikunni sagði lögreglan að leikarinn væri ekki samvinnuþýður vegna rannsóknarinnar.
Til stendur að skoða gögn á borð við textaskilaboð og talhólfsskilaboð í símanum í von um að þau varpi ljósi á málið.
Segir deiluaðilum að hætta hnútukasti í fjölmiðlum
„Skammast mín alveg verulega“
Myndir: Víða tjón eftir kröftuga vindhviðu
„Nýbyggingar ekki í uppáhaldi hjá okkur“
Karlar á bótum bak við flest brotanna
Eyrir með 62 milljarða í JBT Marel
Ráðherra þarf að taka af skarið
Gætu fallið frá því að leggja á komugjöld