Greina frá dánarorsök Poitiers

Dánarstjóri í Los Angeles í Bandaríkjunum hefur úrskurðað um dánarorsök leikarans Sidneys Poitiers. Poitier lést á heimili sínu í borginni 6. janúar síðastliðinn, 94 ára að aldri. 

Poitier lést úr hjartabilun, alzheimer og krabbameini í blöðruhálskirtli. Krufning fór ekki fram né vefsýnataka til að úrskurða um dánarorsökina. Það má sjá í skýrslu dánarstjóra sem TMZ hefur undir höndum. 

Poitier var einn ástsælasti leikari í Hollywood á síðustu öld. Hann leiddi réttindabaráttu svartra í kvikmyndaiðnaðinum og var fyrsti svarti karlmaðurinn til að hljóta Óskarsverðlaun. 

Leikarinn greindist með krabbamein í blöðruhálskirtli árið 1993, þá 66 ára að aldri, og náði sér vel af meininu eftir aðgerð. Ekki hafði komið fram opinberlega að hann glímdi við alzheimersjúkdóminn. 

Frétt af mbl.is

Sidney Poitier er látinn

• Blogga um frétt