Björg, Jón og Ragnhildur nýja þríeykið
Setja bókamerki
/frimg/1/53/24/1532482.jpg)
Tónlistarmaðurinn Jón Jónsson verður kynnir í Söngvakeppninni 2022 ásamt fjölmiðlastjörnunum Björgu Magnúsdóttur og Ragnhildi Steinunni Jónsdóttur. Ragnhildur Steinunn og Rúnar Freyr Gíslason greindu frá þessu í Morgunútvarpi Rásar 2 í morgun. Kynnarnir þrír hafa öll kynnt Söngvakeppnina áður.
Rúnar Freyr sagði að þau hefðu ráðfært sig við sóttvarnayfirvöld og í kjölfarið ákveðið að fresta keppninni um eina viku. Fyrsta undanúrslitakvöldið fer því fram 26. febrúar í stað 19. febrúar. „Þá væru mun meiri líkur á að við gætum haft eitthvert fólk í höllinni,“ sagði Rúnar um ákvörðunina. Úrslitakvöldið fer fram 12. mars og keppa fjögur eða fimm lög í úrslitum.
Mikið verður lagt í keppnina í ár og eru farnar óvenjulegar leiðir í auglýsingum. Sérstakur strætó keyrir um götur en hann er skreyttur að innan og utan. Söngvakeppnin verður haldin í kvikmyndaveri RVK Studios í Gufunesi að þessu sinni en ekki Háskólabíói eða Laugardalshöll eins og undanfarin ár.
Eurovision fer svo fram í Tórínó á Ítalíu í maí. Undankvöldin tvö verða 10. og 12. maí en úrslitin laugardagskvöldið 14. maí.
Neitaði sök um morð og hryðjuverk
Var að slitna frá bryggju sökum hvassviðris
Óveður heldur Holtavörðuheiði lokaðri
„Svindlherferðir eru að færast í aukana“
/frimg/1/41/23/1412311.jpg)
Segja Kínverja hindra framgöngu réttvísinnar
Hellisheiði og Þrengsli ekki opnuð í dag
Björgunarsveitir kallaðar út í nótt
Ekkert ferðaveður og vegalokanir á jóladag