Rogan biðst afsökunar á að hafa notað rasísk orð

Hlaðvarpsstjórnandinn Joe Rogan hefur beðist afsökunar á að hafa notað rasísk ummæli í þætti sínum.

Myndband af Rogan hefur farið um samfélagsmiðla þar sem hann notar N-orðið ítrekað.

Á vef BBC er greint frá því að Rogan biðst innilegar afsökunar og segir notkun sína á orðinu í gegnum tíðina vera sér til skammar. 

Þá biðst hann afsökunar á að látið rasísk ummæli falla um heimsókn hans í hverfi þar sem íbúar eru að mestu leyti svartir.

Ummæli tekin úr samhengi

Rogan sagðist hafa liðið afskaplega illa við að sjá myndbandið og að hann vildi að hann gæti tekið ummæli sín til baka.

„Ég vona að þetta kenni þeim sem vita ekki af því hversu dónalegt þetta orð getur verið er það kemur út úr munni hvíts manns,“ sagði Rogan á Instagram-síðu sinni.

Hann sagði þó að myndbandið tæki ýmis ummæli sem hann hefur látið falla úr samhengi.

Frétt af mbl.is

Rogan heitir því að gera betur

Tæplega vika er síðan að Rogan hét því að reyna að gera bet­ur þegar kem­ur að um­fjöll­un um kór­ónu­veirufar­ald­ur­inn í hlaðvarpi sínu.

• Blogga um frétt