Á ekki afturkvæmt

Leikkonan Sarah Jessica Parker úr Beðmálum í borginni og framleiðandinn Michael Patrick King segja leikkonuna Kim Cattrall ekki eiga afturkvæmt í hlutverk Samönthu Jones í nýju viðtali við Variety. Cattrall leikur ekki í þáttunum And Just Like That... sem fjalla um vinkonurnar í New York. 

Parker og Cattrall áttu í opinberri deilu fyrir nokkrum árum og voru óhóflegar kröfur hennar sagðar hafa komið í veg fyrir að þriðja myndin af Beðmálum í borginni var gerð. Í nýju þáttunum hefur aðeins slitnað upp úr vinskap Samönthu og Carrie og Samantha flutt frá New York.

„Ef það væru til töfrar þá væri frábært að fá Samönthu,“ sagði handritshöfundurinn King. „Ég geri mér engar raunverulegar væntingar um að Kim Cattrall birtist aftur.“

Frétt af mbl.is

Hætt við Sex and the City 3

Aðalleikkonan Parker var spurð út í hvort henni þætti í lagi að Cattrall myndi snúa aftur í hlutverk Samönthu aftur. „Ég held mér þætti það ekki vegna þess að hún hefur gert sína sögu of opinbera,“ sagði Parker. Leikkonan segist ekki lesa greinar en segir fólk ætti það til að segja henni frá. 

Cynthia Nixon, Sarah Jessica Parker og Kristin Davis eru bara þrjár eftir. AFP

Cattrall var ekki boðið að vera með í þáttaröðinni eftir að hætt var við að gera myndina. Parker tekur þó fram að persónan og leikkonan Cattrall séu ekki sama manneskjan. „Samantha er ekki farin. Samantha er til staðar og ég held að það hafi verið höndlað með virðingu og vandvirkni.“

Frétt af mbl.is

Sár út í Söruh Jessicu Parker

Sarah Jessica Parker á frumsýningu And Just Like That í desember. Dimitrios Kambouris

• Blogga um frétt