Það má með sanni segja að nýjasta plata Friðriks Dórs Jónssonar, Dætur, hafi slegið í gegn. Öll níu lögin á plötunni eru á íslenska topplistanum á Spotify um þessar mundir. Vermdu öll lögin toppsætin á listanum fyrsta sólarhringinn eftir að platan kom út hinn 28. janúar síðastliðinn.
Lög plötunnar eru einnig öll á Tónlistanum sem nær til allrar spilunar á K100, Bylgjunni, FM957, X-ið 977 og Rás 2 auk spilunar á Spotify. Lagið Þú virðist ná hvað best til hlustenda en það er í efsta sæti Tónlistans. Í öðru sæti er Bleikur og blár, og í fjórða og fimmta sæti eru Örmagna og Týpan.
Friðrik Dór fetar í fótspor íslensku tónlistarkonunnar Bríetar sem lék sama leik haustið 2020. Þá var plata hennar vermdi einnig toppsætin á íslenska vinsældarlistanum á Spotify skömmu eftir að platan kom út.