Þórunn Antonía spjallar um Winehouse

Söngkonan Þórunn Antonía Magnúsdóttir mun ræða um kynni sín af söngkonunni Amy Winehouse á Borgarbókasafninu í Úlfarsárdal á þriðjudag í næstu viku.Þórunn og Winehouse kynntust í upphafi ferils Winehouse og skrifaði Þórunn kafla í bókina Beyond Black, sem gefin var út á síðasta ári. 

Bestu vinir Winehouse gáfu bókina út og báðu Þórunni að skrifa einn kafla í bókina. Á bókasafninu mun Þórunn ræða vinskap þeirra og hvað gekk á hjá henni sjálfri í bransanum. 

Borgarbókasafnið í Úlfarsárdal er splunkunýtt bókasafn sem opnað var í desember. Bókakaffið með Þórunni Antonínu hefst kl. 20:00 þriðjudaginn 22. febrúar.

• Blogga um frétt