Viktoría krónprinsessa Svía og Daníel eiginmaður hennar neita því að hjónaband þeirra standi á brauðfótunum. Hjónin sendur frá sér tilkynningu um helgina. Kóngafólk lætur ekki gróusögur á sig fá og þykir það sæta tíðindum að Viktoría og Daníel tjáðu sig um orðróminn. 

„Það er verið að dreifa ásökunum um svik í sambandi okkar og yfirvofandi skilnað,“ sögðu hjónin í yfirlýsingu á Instagram. „Undir venjulegum kringumstæðum komum við ekki með athugasemdir um orðróm og vangaveltur. En til þess að vernda fjölskyldu okkar viljum við koma því á hreint í eitt skipti fyrir allt að sögusagnirnar sem er verið að dreifa núna eru algjörlega tilhæfulausar.“

Daníel og Viktoría krónprinsessa. AFP

Margareta Thorgren, upplýsingafulltrúi konungsfjölskyldunnar, sagði í viðtali við sænska fjölmiðilinn Expressen að þessi óvenjulega yfirlýsing hjónanna væri tilkomin vegna greina í sænska fjölmiðlinum Stoppa Pressarna. Á vef Stoppa Pressana er því haldið fram að hjónaband Viktoríu og Daníels sé í mikilli hættu. Konungsfjölskyldan er sögð hafa reynt að neita fréttaflutningnum. Ekki var tekið tillit til þess og þess vegna var þessi óhefðbundna leið farin. 

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt