Harry Bretaprins hefur höfðað meiðyrðamál gegn breska fjölmiðlinum Mail on Sunday fyrir að ýja að því að hann hafi logið um að hafa greitt sjálfur fyrir löggæslu í Bretlandi. Frá þessu greinir The Telegraph.

Í vikunni greindu lögmenn Harrys frá því að hann hefði hug á því að heimsækja Bretland með eiginkonu sinni og tveimur börnum en að hann treysti sér ekki til þess vegna þess að hann gæti ekki haft þá öryggisgæslu sem hann vildi við komuna til Bretlands. 

Lögmenn Harrys greindu einnig frá því í janúar á þessu ári að hann gæti ekki komið til Bretlands án þess að njóta sérstakrar öryggisgæslu vegna þeirra hótana sem þeim hafi borist. Sögðu lögmennirnir hótanirnar væru vel og ítarlega skjalfest.

Harry greiðir sjálfur fyrir öryggisgæslu sína í Bandaríkjunum. 

Harry og Meghan hertogaynja af Sussex, eiginkona Harrys, hafa ítrekað höfðað mál gegn fjölmiðlum undanfarin ár. Á síðasta ári hafði Meghan betur gegn Mail on Sunday, en það var vegna bréfs sem hún sendi föður sínum og var birt í blaðinu. 

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt