Rússland verður meinuð þátttaka í Eurovision söngvakeppninni sem fer fram í Tórínó á Ítalíu í maí. Þetta kemur fram í tilkynningu frá Sambandi evrópskra sjónvarpsstöðva (EBU) sem send var út nú síðdegis.

Þar segir að framkvæmdastjórn sambandsins hafi tekið ákvörðunina eftir að ráðleggingar bárust frá fjölda aðila. Þar segir einnig að þátttaka Rússa í keppninni myndi gera keppnina umdeilda í ljós innrásarinnar í Úkraínu.

Fjöldi sjónvarpsstöðva í Evrópu sendi í dag ákall til EBU að íhuga vandlega stöðu Rússlands í keppninni. Í gær gaf EBU út þá tilkynningu að Rússar mættu enn taka þátt en hefur sú ákvörðun nú verið dregin til baka. 

Ríkisútvarpið var á meðal þeirra sjónvarpsstöðva sem sendi ákall til EBU og sagði Stefán Eiríksson útvarpsstjóri í samtali við mbl.is fyrr í dag að það væri óásættanlegt ef Rússar fengju að taka þátt.

Frétt af mbl.is

„Óásættanlegt að Rússar taki þátt“

Tengdar fréttir

Eurovision

„Þarf að spreyja okkur með eldvarnarefni“

• Þessi komust áfram í söngvakeppninni
• „Aldrei lagt eins mikið á mig fyrir eins fáar mínútur“
• Aldrei verið framkvæmt áður
• Slógu í gegn með „næstum“ Eurovision-lagi Íslands og sigla á svið

» Fleiri tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Svo missir hann af Eurovision!