Hanna Stjärne, útvarpsstjóri sænska ríkissjónvarpsins SVT, hefur gagnrýnt ákvörðum Sambands evrópskra sjónvarpsstöðva (EBU). EBU sendi frá sér tilkynningu þess efnis í gær að Rússland gæti tekið þátt í Eurovision þrátt fyrir innrás sína inn í Úkraínu.

Stjärne hvetur stjórn EBU til að endurskoða þessa ákvörðun. „Ég hef skilning á því að Eurovision eigi að vera ópólitískur vettvangur. En ástandið í Evrópu er grafalvarlegt nú þegar Rússland hefur ráðist inn í Úkraínu. Þetta fer yfir öll mörk. Við höfum sent ákall til EBU að skipta um skoðun og fylgjumst grannt með málinu,“ sagði Stjärne í frétt SVT um málið. 

Frétt af mbl.is

Ætla ekki að útiloka Rússa frá Eurovision

Rík­is­sjón­varp Úkraínu, UA:PBC, sendi ákall til EBU í gær þar sem sam­bandið var hvatt til þess að hindra þátt­töku Rússa í keppn­inni. Í ákall­inu sagði að rúss­nesk­ar sjón­varps­stöðvar hafi miðlað póli­tísk­um áróðri rík­is­stjórn­ar Rúss­lands órit­skoðað og tekið þátt í því að dreifa fals­frétt­um og mis­vís­andi upp­lýs­ing­um um ástandið í Úkraínu.

Al­ina Pash átti að keppa fyr­ir hönd Úkraínu í Eurovisi­on en ákvað í síðustu viku að stíga til hliðar. Hef­ur hún verið gagn­rýnd fyr­ir heim­sókn sína til Krímskaga árið 2015, en Rúss­ar gerðu inn­rás á Krímskaga árið 2014. Í stað henn­ar mun Kalush Orchestra keppa fyr­ir hönd Úkraínu með lagið Stef­ania.

Rúss­land hef­ur ekki enn til­kynnt um hvaða kepp­anda ríkið ætl­ar að senda í keppn­ina í ár.

Tengdar fréttir

Eurovision

„Þarf að spreyja okkur með eldvarnarefni“

• Þessi komust áfram í söngvakeppninni
• „Aldrei lagt eins mikið á mig fyrir eins fáar mínútur“
• Aldrei verið framkvæmt áður
• Slógu í gegn með „næstum“ Eurovision-lagi Íslands og sigla á svið

» Fleiri tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• Blogga um frétt