Tónlistarkonan Grimes er sögð vera að hitta uppljóstarann Chelsea Manning. Grimes og Manning byrjuðu að hittast eftir að Grimes sleit sambandi sínu í annað sinn við auðkýfinginn Elon Musk. 

Samkvæmt heimildum Page Six er alvara farin að færast í sambandið hjá Grimes og Manning en þær hafa búið saman í Houston í Texas í Bandaríkjunum í undanförnum vikum. Manning á þó enn íbúð í Brooklyn í New York. 

Hvorki talsmenn Grimes né Manning hafa tjáð sig um sambandið.

Grimes og Musk eignuðust sitt annað barn, dótturina Y, í desember en staðgöngumóðir gekk með barnið. Fyrir eiga þau soninn X saman. Þau slitu sambandi sínu á meðgöngunni en tóku aftur saman í stuttan tíma eftir fæðingu dóttur sinnar. Eftir að stórt viðtal birtist við Grimes í síðustu viku tók hún fram að þau hefðu hætt aftur saman eftir að viðtalið birtist, en hún lýsti sambandsstöðu þeirra sem fljótandi.

Tengdar fréttir

Ást í Hollywood

Friends-leikari nældi sér læknanema

• Jackman í kossaflensi í Kaliforníu
• Fyrrverandi barnastjörnur í hnapphelduna
• Heitasta parið í Hollywood hætt saman
• Hætt að fela ást sína

» Fleiri tengdar fréttir

• Blogga um frétt